Let go

又係公司寫blog, 不過今日其實好忙, 但心情麻麻地, 唯有再搞到自己忙D. 摛晚瞓覺之前, 決定左做一件我成世人都未做過既事.

delete MSN history!

ICQ (仲有無人玩架呢) 同 MSN history 呢樣野, 記錄左好多事情, 一個人既成長, 經歷, 人與人之間的交流同發展咁. 好似無拿拿寫左日記咁. 仲要係用最原始既方法記錄落黎. 直頭好似讀U果陣, 讀果本 philosophy & life 咁得pluto 同唔知邊個D 對白咁. 咁諗落, 都幾偉大喎. 唔知結集成書, 可唔可以出本曠世巨著呢.

我一向, 都唔會話點keep history, 即係如果部機要format, d history 就會無左. 但我就真係無試過自己走去delete. 因為有時, 我都會好聊咁走去睇返. 原來, 某月某日, 同某某傾過D 咁野. Delete 左佢, 就好似刪除左自己D 記憶咁.

但係, 有D 野, 過去左, 唔駛記得咁清楚既. 由得時間過去, 留得返係個腦度既. 先係最珍貴!

不過話係咁講, 我開完會返左公司半個鐘, 都仲未做呢件咁驚天地泣鬼神既事, 其實我知道, 自己, 仲未捨得放手.

或者, 再等下先, 可能假以時日, 人改變左, 又覺得無乜所謂, 都係回憶既一部份, 慶幸今日無 delete 到.

點好呢~