幾個星期前, 問母親大人母親節想食乜, 諗住搞個林氐宗親母親節活動. 佢忽發雅興話想係燒野食, 於是我呢呢拿拿開個whatsapps group 安排. M表哥負責食物, W表哥負責用品, 冰呀咁, 我地就訂爐及買野飲, 啤酒, 汽水, 果汁, 成車成車咁買. 成廿個人BBQ, 對上一次巳經係六,七年前, 又係係大佬屋企.
上個星期落雨落得好勁, 天氣預報一路都話星期日會落雨. 仲擔心緊駛唔駛搞個 Plan B.
好彩, 星期六忽然出太陽, 星期日天氣都OK. 只係兩點幾落左場雨, 仲返宜無咁熱. 有D 風. 燒野食都唔駛搞到出晒大汗.
M表哥買左幾箱野食, 真係三十人都食唔晒, 不過D 有機大菇, 扇貝, 魚, 豬扒, 羊架都超正! 最搞笑係D corn , 著晒火。
玩到九點幾, 大家又合力清場, 不消十分鐘 (我只係去左個洗手間), 就搞掂晒, 真係神速!
No comments:
Post a Comment