annyeonhaseyo?

今日K 有d 事, 無返Office, 得我一個同韓國果邊開會, 傾左成個鐘, 傾晒D公事, 係度傾D 閒偈, 韓國同事忽然好認真咁話有個問題問我,

er ... 你... 係唔係韓國人呢?

緊係唔係啦!

仲以為佢問乜添, r 晒頭. 我好好奇咁問佢, 點解有D 呢個誤會架呢.

佢話, 早前, 有個同事去完香港office 返黎, 話俾佢地知架喎 (!?).... 嘩, 真係, 唔係嘛, 我只係同果個人打左個招呼咋喎. 何以見得我係韓國人呢? 唔通我個樣真係似到咁?

經過一輪研究, 總於發現左個原因!

原來我個 surname 係有韓文架喎, 仲要係大姓添. 但千祈唔好問我點寫, 我唔知喎. 上網搵左好耐, 都搵唔到, 都係遲D問下D 同事先.