The day we were in tibet

呢個POST 係舊年開始寫, 寫左幾句, 就停左. 今日做做下野, 搵返出黎. 寫埋佢先.

2007 11 13 夜晚, 無聊果陣.
===================================================================

剛看完新聞話事人，其中方東昇談及他在內的沙漠迷途的經歷。回想起自己在TIBET 亞里的路上壞車, 推車推左個幾鐘, 最後有好心人路過救左我一命.

本來, 只係去個湖度食午飯, 跟住返酒店, 我地諗住都只係三,四個小時的行程, 咩都無帶. 點知, 就係回程的路上, 架車壞左. 當時, 無電話網絡, 無人. 無車, 無水, 無食物. 其實都幾危險. 雖然果度都算係景點. 但就無乜人. 起碼, 我地等左幾個鐘. 等到天黑. 只有幾架車經過. 我地一見有車經過, 就叫HELP. 但願意停係度既, 只有一架. 吉位得一個. 就咁, 我一個人上左架車, 諗住到左亞里, 再班架車返黎接返其他人. 車主成家人, 有老有嬾, 但係都極速咁開車. 希望我快到市區可以搵到救兵, 仲送左雞髀同綠茶俾我添.

去到亞里, 入左間公安所, 道明來意, 我唔知佢地係唔想幫我定點. 講左一輪, 佢地都只係寫左我個人資料. 搞左三十分鐘, 我唔想再等, 因為巳經十點幾. 最後我俾左幾佰蚊, 叫左架的士去接人. 未去到, 路上見到有間貨車. 諗住問下佢地見唔見有車壞左停係路邊, 點知原來佢地就係車上面... 我地再返去接返我地個司機, 唔知係唔係我心急, 我覺得架的士行左好耐. 又無街燈, 真係只係靠星光引路. 可惜果時個心只係諗住接人, 無閒情去細味. 搵到架車, 司機堅持話要留係架車度.. 咁我只好留低左我既食物同水俾佢. 返到酒店, 三點幾. 個人散晒.

每次諗返, 其實都幾驚. 一個人上左架車, 仲要無錢係身. 俾人溶左或者推左落山就係咁先.

好彩, 就好似方東昇咁, 家陣無事. 仲可以係度寫BLOG 同大家講返呢件事. 都算係出路遇貴人.