Doing execrise

上左兩堂 Funky Dance, 一向沒有音樂細胞的我, 也勉強可以跟上, 但那些要求比較高的, 例如, 四拍有八個動作的, 便追不上了.

Japan - Osaka & Kyoto

學了日文多年, 但一直都無去過日本, 因為... 貴囉... 今年年頭, 終於同 E 及J 去左大阪及京都五日.
我地三個人, 識左幾廿年, 都未試過一齊去旅行, 今次算係一個大突破.

去到, 順利成章我做左translator, 但我既日文, 其實好流既.. 講好多次人地先明. 不過都叫做講到下咁囉.

京都同大阪比較, 我比較喜歡京都, 因為不論人和景有一種好古雅既感覺, 很有日本既古典風味. 在那裏的街頭走著很容易會發現日本人既優雅. 大阪嘛.. 都只是一個血拼既地方, 就像香港的銅鑼灣.

the new plan for 2009

過左二個月, 終於開始計劃一下我今年想做乜.

1. 日文能力試LEVEL II - 無錯! 巳經PASS 左 LEVEL III ^_^
   
2. PMP - 又黎! 一直都是得個PLAN 字
3. 儲錢 - financial crisis 之下, 不意外地損手爛腳, 而今年既目標比較保守.
4. 做運動 - 其實係基於健康理由, 一把年紀了, 如現在還不亡羊補牢, 還真怕遲些想做也做不來. 而家計劃係一個星期一次.
   
5. 去 Cambodia - 完全同儲錢呢個計劃有conflict! 不過睇下點啦.本來諗住上年年尾或者年頭去既, 但最後去左日本大阪同京都!

Thanks, sister 蓬田

很幸運!

日本語能力試験合否結果 Score of the Japanese-Language Proficiency Test
受験地 Test Site	中 国 China
級 Level	3
文字・語彙 Writing-Vocabulary 聴解 Listening 読解・文法 Reading-Grammar 総合点 Total 55 / 100 83 / 100 104 / 200 242 / 400
合格 Passed

thanks

這些是在澳門晚飯的館子。幸好I 早兩星期便訂了位子。要不到了才知道巳滿，便很掃興了。

the recent me

好耐無寫BLOG, 因為,好忙嘛.. 但忙咩呢..又唔知喎.

新年開始, 飯局不斷, 公司還有太平紳士出巡, 又有同事到訪. 開會, 飲飲食食少不免. 唔駛講, 實變肥仔.

早前,和I到了澳門兩天遊天, 說實的, 雖然到了澳門很多次,但都以工作為多, 去澳門玩, 好像只有三次.
一次是小時候和家人一起去, 應該是二三年級的時候, 沒什麼印象, 只記得一個人在酒店房門口, 哭著等爸媽回來, 婆婆哄了我很久,我也只顧著哭, 她拿我沒法子,只好自己去睡了.
第二次, 最多時間是留在賭場, 看著別人賭錢.
今次, 總算是遊澳門了, 到了大三巴, 燈塔, 東望洋炮台, macau tower, 媽閣廟, 還迋了海事博物館,天主教藝術博物館與墓室, 龍環葡韻住宅式博物館. 說實的, 很感謝I, 其實全部景點他都去過了, 還跟我再去一篇.
:)

年初四-開工日

大年初四開工, 晨早起床, 準備好,心想今日可以早點到公司工作. 假期過後, 總有上百個電郵等著. 怎知, 車子郤不動, 搞了半天, 終於放棄, 要巴士回公司, 到步巳經是十一點!

激死.

dress up

下個月, 一個ex 結婚, 有請我去飲, 我當然會去飲, 分手, 雖然好傷, 唔開心左好耐, 但家陣都係朋友.

但而家就頭痛緊, 著乜野衫. 一向都唔多識打扮既我. 實在覺得好難搞.

仲記得, 上年公司週年飯, 我諗左好耐唔知咩乜, 去到會展,成千人咁係度, 都唔可以話失禮, 只係, 唔係好夾囉. 仲俾個男同事笑我,

但去飲呢家野, 又不能著得太行. 一陣人地以為你係姊妹, 就好奇怪. 但我又唔想著得太causal. 最衰既係, 身形唔fit , 真係要好靠件衫黎修飾下... 咁點好呢.... 好煩.

photo taking

最近心情納悶, 都比較喜歡開快車, 尤其是回家的路上,... 終於, 上得山多終遇虎, 被照快相了, 都是那輛可惡的車害的.

事發時, 正在超車, 因為前面的那輛日產車, 在兩條路的中間左右遊走, 它游到快線上, 我正想加速, 它又游回來, 害我要急急的減速, 差點便撞上了. 於是, 在二線變到三線時, 我便急急的超車, 希望逃離那架車. 車剛好超越了那日產, 想再加速, 轉回中線, ... 然後, 白光一閃. sigh.. 死定了.

附近都沒有車, 很難逃脫得了.

-__-

who is the murder?

從母親大人那處聽說, 屋苑有貓殺手, 可惡.
怎麼有人可以這麼殘忍.

Moonwalker - yeah

瞓到四點, 下午. 即係起左身無耐.

今朝七點返到屋企, 八點瞓.

摛晚去左行山, 都唔知算唔算行山, 由旺角行到西貢碼頭, 都係平路. 無山路. 似行街多過行山.

但因為本身好眼瞓,加人多. 好難突圍而出.

最後用左6 hrs, 完成.

對腳好痛丫.

driving with the new boot

摛晚發完癲, 買左兩對咁貴既鞋, 為左要令自己無咁內疚, 要著返夠本, 今日即時著左對短boot 返工.但有一個問題, 就係皮鞋既鞋底比較滑, 踏住個clutch, 唔係好實在.

返到公司, 泊車果陣, 就係控制唔到個clutch, 架車溜前, 差少少撞到前面架honda 七人車.

跟住仲死火. 今次真係死火.

我估著皮鞋既人,都應該手查自動波.

the night I was in Land Crawford

話說, 其實我唔係太喜好shopping，平日一對幾佰蚊既鞋，左諗右諗都未必買。又話說，有個朋友係Land Crawford 做。又話說，今日係private sales.

就係咁，我就一個鐘之內買左平生兩對最貴既鞋，一對二千，一對千五，仲係discount 左之後。

但係果兩對鞋既皮，真係好正，同果一千一對無得比，真係好抵，但又真係好肉痛。

Pepero Day

同幾個韓國同事食飯, 其中一個買左幾盒百力滋俾我, 我好奇怪, 佢個樣又好似好靦腆咁. 仲係講, 其實我巳經結左婚,不過為左多謝你咁幫我.我都送俾你啦咁... 我仲心諗, 幾盒百力滋咋.. 駛唔駛咁認真.

不過摛日上網SEARCH, 原來 11/11 係韓國Pepero Day，因為11 同　11 似pepero 喎.(pepero 即係成日食果D 百力滋,甘大滋.) 韓國人好重視呢個節日,直頭好似情人節咁, 通常都要送禮物. 而且一定要買D 一支支既野. 唔怪得佢個樣咁奇怪.

我仲係youtube 搵到首 song of pepero day, 唔知唱乜. 但D 公仔都得意 http://www.youtube.com/watch?v=8nAatygbw38

仲係一個blog 度, 搵到果種盛況 http://www.seouleats.com/2008/11/pepero-day.html

好希望香港唔好流行呢個節日, 因為, 實在有點無聊. 一天的情人節巳經夠了.

Parallel Parking

今日玩左個 game, 係parallel parking. 幾得意.. 可以練習下.
仲好高分添! 我覺得. 但係現實生活中, 我次次都要泊成10分鐘. 成日俾後面D 車 BEEB.仲試過泊緊果陣, 因為等車行, 俾人泊左個位!

URL: http://www.driverseddirect.com/game/

my change

有看的blog 的人, (if any), 可能會覺得我呢排感性左. 其實, 我以為我一向都係咁, 不過以前唔會表達出黎. 我以前會認為, 如果一個人可以令我將我感情表達出黎, 便會是的那一個他了. 曾經,有一個人, 有能耐令我改變, 但步伐不一致, 最終都是落空了.

其實, 要做到, 都是很難, 不可能只靠一方面. 耐性和心機不是人人都有. 沒耐性的, 可不會等你慢慢的追上來. 那唯有, 自己先加快步伐吧.

不過, 話說回頭, 或者,那個真的可以和我同步的人, 真的未出現了吧. <- 這句話是安慰自己嗎?

他和她的二三事 - 陳慧

很喜歡她的作品, 從《拾香紀》,《人間少年遊》到《四季歌》再到《他和她的二三事》. 因為最近的種種,看《他和她的二三事》的時候, 特別有感覺, 男女間的錯摸, 相聚或是分離, 在她筆下, 都很生活化. 就像你我的故事.

我想兩個人的相處, 都是一門學問. 明明是相愛, 那就是因為一點點, 愛一下便消失了. 留下, 只有婉惜. 或許, 那最重要的就是時機吧了.

Feel vs Rational

愛一個人可以理性嘛? 我想不太可能. 愛, 我以為本身應該就是非理性表現. 但, 如何表達愛, 卻可以是理性的. 正如, 我今日手查車經過呈祥道, 很想念一個人. 呢一種感覺我無法control 到. 但我唔可以無拿拿打俾佢同佢講架.. 仲要, 佢家陣有女朋友添.. 講左咁又點, 對成件都無幫助. 只可能會令自己更唔開心. 呢D 經過一輪分析而做既決定咪理性囉.

或者, 我一向都不太喜歡表達自己既感覺, 係度扮理性. 唔知呢...

today

由摛日開始, 我巳經計劃緊今日做D 乜. 先當然係上堂, 跟住, 諗住如果約到, 就會去試下做個 facial. 跟住, 諗住再去LCX 睇下野, 有咩好睇呢? 唔知喎. 因為其實我好少行LCX. 呢D 節目源自兩封銀行寄黎既promotion. 咁見無野好做, 咪去試下囉. 再跟住有時間會去書局睇書.

先係facial, 十二點半落堂, 打電話去約兩點半, 居然約到, 心諗可能都無乜人去, 原價1380 一個facial 喎... 唔係特價280 我都真係唔去啦! 坐電車去到CWB, 都只係1 點, 見到commerial press 15% off. 其實唔係好平, 但就買左幾本書. 睇下睇下, 差不多兩點. 諗起, 未食野喎.. 想去食日本野, 但無位. 跟住走左去食拉麵, 好似無以前咁好食喎.. 唔知係因為真係無咁好食, 定係食既心情唔同左呢.

再走去做facial, 搞下搞下, 都差不多個半鐘, 跟住都估到佢有人sell package 架啦.. 我都覺得個facial OK, 如果有discount package 都可以. 不過那位小姐, D 態度真係麻麻地. 係咁SELL D 成皮野既金簿 treatment.仲成日問我你諗住點, 我無咩諗喎. 係你留我係度sell 我咋喎. 我想走囉, 我又未用你D PRODUCT, 唔想花咁多錢囉... 於是我話我只係想join 我今日試果個. 其他唔 join 佢居然個樣唔多LIKE 咁, 仲係咁sell, 話太少啦, 你都想靚D 架, 係咁講, 係咁講, 搞左唔知幾耐, 我開始有D 發脾氣. 佢先肯話咁好啦. 我同你搞啦咁. 豈有此理. 早知早D 發脾氣.

終於走出間野, 雖然屋企無飯食, 但又唔知做乜好, 都諗住返屋企架啦. 諗起, J 話 sogo sake 有特價, 走左落去睇. 跟住又打左電話俾S,原來, 佢都無聊係屋企無野, 就係咁, 佢就出左CWB 搵我. 等左一個鐘, 中途我仲自己一個人, 四圍行, 仲買左頂好鬼貴既帽 (T_T) , 終於同左佢去左食日本野, 再陪佢買左份禮物俾佢女友. 真係好鬼sweet 咁喎.

跟住meet 埋J, 去左coffee shop 坐左兩個鐘, 十點半! 終於起程返屋企.

就咁係過左一個星期日, 今朝七點起身到, 七點meet S, 一個人kill 左12 hrs .

我諗如果係以前, 我會行一陣就返左屋企, 唔會四圍行, 開始覺得自己好似 "結婚できない男” 入面桑野さん咁. 都係既. 要習慣架啦.

well, what a big difference

今日睇報紙. 話 "OECD報告稱，儘管貧富差距進一步收窄，但現時英國最富有10%人口的財富，同英國最貧窮10%人口財富相比，仍有9倍差距之多。'

9 倍咋喎, 咁都叫多? 咁香港果D真係唔知算乜. 我唔知全球黎計, 香港貧富差距排第幾, 但我好相信, 李生一個人既身家, 就應該多過香港10%人加埋.

到底係我巳經習慣左呢個情況, 而唔覺有咩問題, 定OECD 太小題大做呢?