after sixty days

轉眼, 搬到新居巳兩個多月, 但一直都是忙忙忙, 沒什麼時間很優閒的留在家中... 但要很仔細說出忙什麼, 卻也說不出來.

要說實在的, 都是在辦結婚的事情, 其餘時間, 都是回自己和I 的老家吃飯, 多點陪家人. 怕他們不習慣. 而一來一回, 都巳是一整個下午或晚上的事情. 回到家, 十一點多, 或是十二點了.

再餘下的, 便是家務時間, 洗衫, 掃地, 洗厠所 ...一個家庭的家務真的是一點也不輕鬆.

巳是我的所有時間了...

想想, 是一點點私人時間也沒有了... 說實是感到有點迷失... 巳很久沒有讀日文了, 還記得嘛? 鋼之鍊金術師巳沒看很久了.. 直到星期天晚上, 失眠的時候, 才追看了三輯. 

或者, 要認真考慮請家務助理的事情了.. 

Being rejected

香港人, 一人有幾張甚至十幾張信用咭都不出奇... 我也有七張, 當然, 常用的只有兩張. 最近申請citibank 的premiermiles 信用咭, 因為它是VISA, 比AE較通用, 同時又可以儲asia miles.

等了兩個多星期, 收到電郵, 應該是 program bug, 內容都變了怪碼, 但從幾隻僅能辦認的中文來看,應該是申請被拒了...

打電話到客戶服務, 接線的CS 說, 因為我不能提供公司電話所以申請被拒.  才想起,那天citibank 的咭務部打電話來查核資料, 我可是老不天都找不到公司的電話號碼, 而我, 又沒有直線電話. :(

沒法子,最後只好留了總機電話, 只是, 還真的麻煩..

i miss you

工作的地方和新居很近, 步行大約只要十五分鐘, 車一下子由實用品變了Luxury.

賣掉它, 說實是有點捨不得, 把文件和車交給買家時, 自己還是有不想相信. 心中想著 "真的要賣了", 回想起來, 還覺得自己有點傻.

想起買車時的種種, 到今天, 人面全非, 好像是很久以前的事, 卻又原來, 只不過過了五百多天. 那輛車其實也和我一起經歷了許多快樂和淚水.

new home

從日本回來以後, 一直都忙著打點新居的事情, 幸好租的地方巳經有了家俱, 我們都是只是要買廚房用具. 床單, 被和pillow 都有提供了, 只是反正都用上一年, 還不如買新來自用... 床單還是容易, pillow 找了幾天還是買不到心水. 由旺角新世紀, 走到樂富jusco, 本來想買Kingkoil 的備長炭太空綿, 但沒有特價, 要差不多一千一個, 又覺得太貴, 立定決心買睡康寧試一試, 六佰幾但買一送一, 但又只剩一個. 最後, 唯有在Kingkoil 買了兩個比較平的試試看.

收樓後還要清潔, 住的地方買什麼都不方便, 去到買清潔用品再回到, 巳兩個多小時, 四時多才開始打掃, 直到晚上七點, 才弄了一半. I 趕著回家吃飯, 只好隔天再去. 還好管業處都巳清潔了一遍, 雖然都是麻麻虎虎, 但也巳經節省不少時間了. 很難想像要完完全全清潔一次, 可能要花上好幾天了.

雖然還未完備, 家中很多東西都未搬來, 但就從今天起, 這裡便是I 和我的家了.

:)

Back from Japan - Seidan and Tokyo

the five days trip finally end.

not really a excited trip, no many place to hang around, not many good sight seeing place... but just a time for me to escape from Hong Kong.

It is my first time to tokyo, and finally saw the scene in shinjuku. It is even more crazy than in MongKok, at mid-night, still tons of youngsters hang around, many drunk sat around, and with smell of pee. :(

birthday dinner - 囍宴

今日係母親大人生日, 我地去左Jacky Yu 主理既私房菜.
我一早訂左枱, 佢地仲一早email 左個菜單俾我, 不過我估佢個電郵都係用send mail 係唔check 既. 因為我回覆左佢我要咩菜單, 同埋問佢地收唔收credit card, 一D 反應都無. 跟住佢打黎confirm 果陣, 又問左一次.

今日食既係$580 一位既菜單

頭盤 appetizer
清酒黄金一口鮑魚 braised abalone in Japanese soy sauce
黑松露桂花薰蛋 osmanthus smoked egg topped with truffle slices
貴妃醉蝦 drunken shrimps
瑤柱絲涼拌萬年青 conpoy shreds with choy-sum

主菜 main
金牌口水雞 Sichuan spicy chicken
金不換辣酒煮蟹 stir fried spicy crabs with basil
香茅柑桔菊花魚 chrysanthemun mandarin fish lemongrass calamansi sauce
梅子石榴 soaked guavas with dried sour plums
燕窩津梨燉土雞 Stewed chicken with pear and bird’s nest soup
脆瓜炒仙菇 Stir fried mix mushrooms with pickled cucumber

甜品 dessert
私房自家製雪糕 homemade ice-cream

食物份量比我想像中大, 鮑魚幾好食喎, 不過只係九孔鮑, 口水雞幾好, 其他都不過不失, 但個黑松露, 可能係我唔識欣賞, 我就覺得麻麻地, 好似無乜特別味道, 同埋條魚我都食唔出佢係魚, 炸到唔知食緊乜, 可能菊花魚係咁掛., 而且隻蟹唔係幾新鮮, 或者係鋪頭養左一段時間, 好瘦.

總括而言, 我覺得 overprice 左. $480 會算係一個合理價錢.

my long weekend

睇到Novotel 有個酒店連disneyland package, 好似幾抵咁. 於是星期五同I 生請左一日假. 我晨早七點幾起身, 不過因為約左agent 去睇樓, 最後二點先到.

唔知係唔係暑假既關係, 都好多人. 基本上所有野都要排隊. 我地一去到, 就去左space mountains 攞 fast pass. 嘩, fast pass 都要等到四點四十分呀.

攞左fastpass, 去左玩巴斯光年星際歷險, 原本我有五萬幾分... 點知I 生佢咁口岩打到個大佬既心臟, 成萬分一下, 無拿拿俾佢攞左廿萬, 俾佢反超前, 激死.

跟住去左玩馳車天地, 排左三十五分鐘, 仲要俾人打尖... 激死!!! 玩完, 我地去左買熱狗, 無乜味不過都OK 啦.. 叫做填飽個肚.

食飽, 跟住去左睇獅子王, 我未睇過, 有歌舞有雜技, 都幾得意.

睇完show, 又去左泰山間屋, 但點解又有piano, 又電話,又唱機, 高科技... 奇怪.

一離開, 我地就係咁跑, 好彩剛好趕到 5:40 入到fast pass 玩 space mountain. 真係趕到氣咳.

下一個節目係去睇Golden Mickey, 亞米奇老鼠打聲好鬼尖, 唔知係唔係未發育呢... 睇完show 順手去左隔離既 my little world, 無無聊聽下歌. 不過排隊果陣發生左D 好得人驚既事, 有個我估係內地既女人帶住個女, 坐係最後果行, 係度pee 喎... 幾驚呀.. 好彩我唔係坐係果架車度咋...

遊完 Little world , 跟住見仲有時間, 又去埋小熊維尼歷險之旅, 排隊中途, 有幾個我估都係內地既遊客, 係度勁打尖, 果幾個小朋友係個欄杆度, 爬黎爬去, 好似玩雜技咁...真係睇到眼火爆. 其中一個靚仔, 仲居然打我尖, 我咪罵佢囉.. 真係火滾!

如果無左呢D 咁既人就好啦... 都唔明, 排隊唔得既, 又要打尖, 都快唔到好多啦...

Anyway, 我地睇完小熊維尼歷險之旅, 就去左睡公主Castle 搵個好位睇煙花. 有埋燈火, 都幾好睇丫.

睇完晒, 都成八點半, 我地去左買左兩件t-shirt 做紀念品. 跟住就坐地鐵走去東涌食飯...

食完又去左novotel 地下個 lounge 飲野, 差不多一點, 就返酒店啦..

第二朝, 九點幾就起左身, 就係為左食個早餐!!! 哈... 不過又落雨, 無得游水... 於是去左 outlet 行下, 買左個手袋俾媽咪, 又買左個俾自己. yeah! 再加埋兩份野俾C++ BBs. :) 好多收獲!

原本諗住去大澳, 不過攞住咁多野, 又唔係好想去.. 於是坐巴士去左機場terminal 2, 睇左 UP, 仲要係4D 版! 幾好睇喎.

放星期五, 感覺真係好, 玩完兩日, 仲可以放假! 哈哈... 正!

Cambodia, I am coming ~

上年因為機票太貴去唔到, 今年再接再厲. 不過柬埔寨都真係幾熱門, CX 11 月個price list 8 月7 日先出, 我地8月9 日去check, 巳經full 左... -___-

多謝I 生, 好努力咁去call agents. 終於搵到機票... :)

期待!

Coco before Chanel

好平淡, 不過都好睇既... 但要有耐性...

Overheard - 竊聽風雲

估唔到鑽石山家陣咁旺, 好多人排隊買飛睇電影, 本來想睇hangover, 後尾見度有套劉青雲有套電影, 好似好耐無睇過港產片, 咁就轉軚睇左呢套"竊聽風雲".

個英名片名好似怪怪地, 明明講竊聽, 但片名叫 overheard. 查過yahoo dictionary, 話解"無意中聽到". 好似唔係好口岩喎...

劉青雲, 照舊的好戲, 古天樂也越來越進步了... 但唔知點解, 吳彥祖好似越來越唔掂咁喎... 唔係好交到戲. 或者係個角色無乜特別掛...

G.I. Joe

真係悶悶地... 我成日都唔係好明, 點解D 男女主角, 係D 生死關頭, 仲可能掛住咀唔走人架呢...

Burger King - Breakfast

摛日去左Burger King 食lunch, 有幾張早餐coupons, 本來諗住都唔知幾時會用.. 不過今朝架巴士好順利咁就到左美孚, 咁又好快咁又上左小巴再落車, 比平時快左成十分鐘... 為左要好好享受呢十分鐘, 我打算食一個早餐! 於是就攞住張coupon, 去左Burger King.

又見到果個職員, 佢原來唔係好識用收銀機, 我見佢係度問佢同事呢度點入果度點入.

我無理佢, 買左份牛角飽加奶茶, 個飽好新鮮好熱, 但攞到返公司, 個包濕晒...
-___- 好鬼難食.

包, 都應該係新鮮食好.

Burger King

同事K 今朝send 左個 Burger King Buy one get one free coupon 出黎, 我地即刻去左食. 十二點半去到, 好彩無乜人..

本來我地摛日黎過, 見到咁多人都唔知咩事, 仲諗住買外賣返去食, 好彩無咋... 半價喎..

今次我地又係搵個工作人員幫我地落單, 好勁喎. 快餐店有人同你落單, 仲送埋去你個位度..

不過佢地今次搞錯左張單, 無做特價, 又要再等. 我地仲係諗, 唔知會唔會好似恆生咁單野咁, 有人假扮員代收錢. 係就死啦... 果五佰蚊係我架...

當然, 最後有驚無險, 不過等左成四十五分鐘.

Cats

差D 唔記得寫... 對上一次睇係10 年前啦... 果陣係英國睇. 講真就唔係好明佢講乜... 不過D 歌幾好聽咁... D 人又幾生鬼.

今次睇, 起嘛... 明!

內容大致都差不多, 只係好似改左DD, 衣著唔同左. 今次D 衫有燈泡, 會發光.

最正都仲係落難果隻貓一個人獨唱... 好touching.

bookfair 2009

上個星期六同I 生去左書展, 本來諗住行兩個鐘就走人... 點知兩個幾行到七點... 行到腳軟.

好幾年無去書展啦, 因為平時去書局買左D 書都未睇晒, 我仲有好多書連袋都未開... waste $$. 不過I 生公司有特價買入場卷, 十蚊張, 咁又好抵咁喎... 又買左. 後尾先知有朋友有免費飛... 激死.

今次書展, 個場好大, 有三層咁多, G樓係主要展覽場地, 大型書局居多, 一樓係比較細既公司, 仲有文具, 四樓, 唔知係乜無去到. 今年大熱新聞梗係靚模出寫真啦.. 聽講佢地係四樓有簽名會, 不過我地無去到睇. 一來, 我個人無乜興趣, 二來, 行完第二層, 我巳經行到好疲 ... 如果有氣有力, 都仲話去睇下, 咁疲. 都係打道回府.

以下就係今次書展既收獲:

1. 我的低能大肚之道 - 馬仔
雖然知佢好耐之前出左本低能婚禮, 不過一直都無睇, 今次係書展無聊睇下, 有幾搞笑喎.. 好... 買左... 回家路上, 一路睇.. 一路笑到傻左.

2. upside down - 黃貫中
入書展之前, 唯一諗住買既書... 係paul 去南極既遊記. 無得去都睇下

3. 完全掌握 二級日語 - 文法
為左表示自己真係諗住考二級, 點都要買!

4. 完全掌握 一級 二級日語 - 片假名語彙
片假名一向都係我既死穴...

5. 他她牠的床 - 文地
常在yahoo 睇佢既office 四格漫畫, 都幾得意.

6. 直升機上看海嘯 - 區樂民
FANS

7. 靚湯王
勁喎... 成千款湯, 一個星期煲一款都煲廿年!!!

8. 柬埔寨

9. 名廚教做菜

10. 夏日消暑菜 - 黃淑儀

11. 唔記咩書名, 講香港奇石...

12. 都唔記叫咩名, 係日語入門

13. GOD 書展限定, 德素愽士

14. 兩本相簿既制作coupons

14 樣野合計大約一千.

bad news

又係星期四, 另一個會, 內容大致同上個星期一樣. 不過... 有另一個壞消息... 公司元老同 King of passion 做到下個月尾.

唔係掛, 連佢地兩個都要走!? 我敢寫包單, 公司入面做野最落力既果兩個一定係佢地. 不過, 落力, 係無用既.. 要裁員起上黎, 邊個都有可能. 呢個係現實.

我只係諗... 佢地之後既生活會係點呢... 出到去, 會唔會好難搵工呢... VP 同 Senior Manger 喎.. 唔會話搵就搵到, 就算肯減人工, 人地都驚請唔起你.

個會完之前, 項目經理問我地有無問題.... 真係 ... 諗唔到.. 唔通問.. 點解連佢地兩個都要走?

真係無野講 ...

果一刻有一個句係腦度浮左出黎 "passion doesn't help... "

what the ...

星期四早上, 各人如常的回到office, 但心情都不一樣. 因為今朝十點, 會有個大會宣佈公司最新動向, 到底會唔會裁員呢...

十點鐘, 我地個個入晒會議室, CEO 先講左一個二十分鐘野, 但講左D 乜呢.. 唔係好記得喎.. 跟住, 由架構重組既項目經埋出黎講...

香港office , 無影響, 但美國office 會摺埋.

sigh... 無計啦... 美國office 利潤最少... 但人最多.

聽完真係個心沉一沉. 唔知 Etty, Ali 同 Ming 點呢...

moody

因為公司的不穩定狀況, 同事們, 包括我都無乜心機做野. 無他既, 心諗, 咁辛苦, 會唔會下個星期五發現, 原來八月巳經唔駛返工. 咁就真係無謂.

但係, 又好鬼多野做, 點丫. 好煩.

this thu and next fri

will have company meeting on this Thursday and next Friday, see how's thing going..

Um ....

tropical storm

星期六, 早上還是天晴, 下午開始下雨, 天文台還說十一點半會掛八號風球. 星期天. ,可能要留在家中了.

Event 714

今朝坐巴士果陣, 用部手機上網check email, 居然收到香港老細既email, 話佢將會離開公司. 真係幾晴天霹, 同事今日食lunch, 都係度講, 唔知佢係跳船定被人叫走呢.

我無同佢一齊出去做過野, 平時都無乜兩句. 不過, 我覺得佢係一個幾能幹既sales. 起嘛, 佢黎左, 公司有兩三單大deal, 之前果個sales, 一單都無.

不過, 唔知點解公司有D 同事都同佢唔係好合得黎. 特別係佢升左GM 之後. 可能係tech 同事永遠覺得sales 多大話. 係客面前吹大左, 就要佢地日趕夜趕黎搞掂. 不過, 可能因為我做過sales support, 都會知道sales 難處, 佢地大多唔係tech 人, 你想佢地點丫. 返而sales support 或者consultant 先係最緊要. 因為sales 就係都係靠晒佢黎俾tech advise.

anyway, 希望佢走左出去, 有好發展啦.

Event 708

星期三, CEO從美國黎左，帶黎左兩個壞消息。　

第一個係，要九點半返到公司。　公司一向有一個不成文規，工作時間是十至七。有時朝早如果有會開，仲可能會遲返。當然，我唔敢話準時少少返工有問題，咁九點半其實又唔係好早，最衰係，我住得遠，返公司個半鐘，早左，多人左，要排隊等巴士，又要塞車。朝朝返工，經過萬里長征，都要坐返十分鐘先回到魂。而且CEO 講呢樣野果陣，仲不斷話，一定要返公司做野！係屋企CHECK 左EMAIL好，都一定要返公司，仲話遲左要打俾Admin，講低點解遲到，要遲幾多。講果陣時既語氣，講到我地好似成曠工咁，咁就真係唔係好老黎。高層果班，我唔知，但一齊做野既，我就唔覺有咁既事發生，同埋，大家一向都係目標為本，總之有野做，OT 到三四點，都無問題，無咩做，咪遲少少返工，但家陣，大家為左要meet 個時間，都唔會遲走，我試過七點走，巳經要lock 門，平時，七點走，都仲一定有人係公司。咁其實，早返左半個鐘，對公司黎講係好定唔好呢?


第二樣樣野，就比較麻煩。就係要裁員！呢單野我就唔係好明，又未行動，家陣又非常時期，個個忙到死，做到金睛火眼。仲講埋D 咁樣，想點？唔通想用黎測試我地既忠誠度？不過連我地公司個passion 之王聽完都呆左，其他同事個個心情低落，都無以前咁博。

點計數，我都覺得係CEO咁講野，無乜謂，仲搞衰左D士氣。

the half day holiday - choco day

今日係半年紀念日, 同I 請左半日假, 走左去整蛋糕, 係我最鍾意既朱古力蛋糕! 諗住星期五無乜人, 但估唔到個班都好FULL.

我同佢都唔識整蛋糕, 都是係當玩下. 整下整下都要D tutor 幫手. 不過都幾好玩丫.

整完蛋糕, 走左去呢排人氣好勁既 VERO, 一落的士, 我地都唔知間野係邊度, 不過街度有個哥哥仔見我地係度望下望下, 好醒目估到我地想去果度, 就叫我地入去再上二樓. 好好彩.

星期五下晏, 個場好靜, 我叫左杯70% 特濃朱古力熱飲, I叫左杯凍既. 再點左一份迷你Muffin , 有五隻口味, 就係咁坐係度, 睇下出面個地盤景, 傾下計, 就過左兩個鐘. 呢間野, 裝修都幾靚, 最適合幾個朋友坐係度傾下計, 或者一個人坐係睇書. 四周放既藝術品, 我見到有價錢. 可以買返屋企.

飲飽朱古力, 又食左muffin, 再加埋一件朱古力蛋糕, 真係幾飽. Dinner 都食唔落.

Link:
VERO: http://www.openrice.com/restaurant/sr2.htm?shopid=27123

2010 June 26

2010 年6月26日, 人生將進入另一個階段.

June 26, 2010, I will be on another stage of my life.

希望, 那一天是天晴, 有點風.

Hope on that day, the weather is nice, sunny but with wind.

the recent me

對上一次寫blog , 巳經是三個月前. 最近都是忙, 公司有一些人事上變動. 現在又多了兩個老細, 要報告的人多了, 每個星期多了四個會, 工作量自然又增多.

但在香港這個經濟環璄, 同事們都覺得, 公司不裁員巳是萬幸, 工作量多了, 其實也不什麼, 都只是心中在投訴.

最叫我苦惱的, 是四月時, 公司搬家, 現在上班和回家的時間由半小時變成個半小時, 即一天要3 小時來回, 中途要走20 分鐘的路到小巴站, 還要等15 小巴. 每天回到家巳是身心力疲. 什麼也不想做.

寫BLOG 的同時, 全世界都被H1N1 搞得一頭煙, 香港還好未有死亡數字, 但每日新增的感染人數越來越多, 看來社區爆發都遲早的問題.

Doing execrise

上左兩堂 Funky Dance, 一向沒有音樂細胞的我, 也勉強可以跟上, 但那些要求比較高的, 例如, 四拍有八個動作的, 便追不上了.

Japan - Osaka & Kyoto

學了日文多年, 但一直都無去過日本, 因為... 貴囉... 今年年頭, 終於同 E 及J 去左大阪及京都五日.
我地三個人, 識左幾廿年, 都未試過一齊去旅行, 今次算係一個大突破.

去到, 順利成章我做左translator, 但我既日文, 其實好流既.. 講好多次人地先明. 不過都叫做講到下咁囉.

京都同大阪比較, 我比較喜歡京都, 因為不論人和景有一種好古雅既感覺, 很有日本既古典風味. 在那裏的街頭走著很容易會發現日本人既優雅. 大阪嘛.. 都只是一個血拼既地方, 就像香港的銅鑼灣.

the new plan for 2009

過左二個月, 終於開始計劃一下我今年想做乜.

1. 日文能力試LEVEL II - 無錯! 巳經PASS 左 LEVEL III ^_^
   
2. PMP - 又黎! 一直都是得個PLAN 字
3. 儲錢 - financial crisis 之下, 不意外地損手爛腳, 而今年既目標比較保守.
4. 做運動 - 其實係基於健康理由, 一把年紀了, 如現在還不亡羊補牢, 還真怕遲些想做也做不來. 而家計劃係一個星期一次.
   
5. 去 Cambodia - 完全同儲錢呢個計劃有conflict! 不過睇下點啦.本來諗住上年年尾或者年頭去既, 但最後去左日本大阪同京都!

Thanks, sister 蓬田

很幸運!

日本語能力試験合否結果 Score of the Japanese-Language Proficiency Test
受験地 Test Site	中 国 China
級 Level	3
文字・語彙 Writing-Vocabulary 聴解 Listening 読解・文法 Reading-Grammar 総合点 Total 55 / 100 83 / 100 104 / 200 242 / 400
合格 Passed

thanks

這些是在澳門晚飯的館子。幸好I 早兩星期便訂了位子。要不到了才知道巳滿，便很掃興了。

the recent me

好耐無寫BLOG, 因為,好忙嘛.. 但忙咩呢..又唔知喎.

新年開始, 飯局不斷, 公司還有太平紳士出巡, 又有同事到訪. 開會, 飲飲食食少不免. 唔駛講, 實變肥仔.

早前,和I到了澳門兩天遊天, 說實的, 雖然到了澳門很多次,但都以工作為多, 去澳門玩, 好像只有三次.
一次是小時候和家人一起去, 應該是二三年級的時候, 沒什麼印象, 只記得一個人在酒店房門口, 哭著等爸媽回來, 婆婆哄了我很久,我也只顧著哭, 她拿我沒法子,只好自己去睡了.
第二次, 最多時間是留在賭場, 看著別人賭錢.
今次, 總算是遊澳門了, 到了大三巴, 燈塔, 東望洋炮台, macau tower, 媽閣廟, 還迋了海事博物館,天主教藝術博物館與墓室, 龍環葡韻住宅式博物館. 說實的, 很感謝I, 其實全部景點他都去過了, 還跟我再去一篇.
:)

年初四-開工日

大年初四開工, 晨早起床, 準備好,心想今日可以早點到公司工作. 假期過後, 總有上百個電郵等著. 怎知, 車子郤不動, 搞了半天, 終於放棄, 要巴士回公司, 到步巳經是十一點!

激死.